Press "Enter" to skip to content

[太阳拆局] 欧冠攻略:卫冕第一击皇马再攞威

  上届冠军皇家马德里卫冕第一击,喺F组作客苏超嘅些路迪。皇马保留原有班底之余再补强,签入法国新星曹亚文尼,更喺周六西甲榜首大战击败贝迪斯,乘勇踏上欧洲赛征途,些路迪实力明显唔够,加上皇马上届3场欧联分组赛作客全胜,作客让一球照捧上盘。

   (Now 645周三凌晨3时直播)

  F组除咗皇马同些路迪,仲有RB莱比锡同萨克达,相信皇马出线问题唔大,佢哋近4届有3届都以分组赛一哥晋级16强,证明佢哋踢分组赛唔会留力,而且上届3场分组赛作客更加全部赢晒,唔使担心「银河舰队」会留力嘅问题。

  皇马保留原有班底,继续由名帅安察洛堤执教,射手宾施马状态仍然勇猛,虽然莫迪历同却奥斯年纪偏大,但今夏再签入法国新星曹亚文尼后,加上原本嘅云尼斯奥斯祖利亚及卡马云加,逐渐做好新旧交替,现时「银河舰队」经验同活力俱佳,实力远胜些路迪。

  些路迪级数差一截

  些路迪近年甚少打入欧联分组赛,今届受惠于俄超球队被制裁,佢哋同萨克达由原本要踢附加赛,变成直入分组赛。些路迪阵中有欧联经验嘅球员唔多,只有中场占士科利斯同门将赫特,实力不能同皇马相提并论,恐怕无力抵挡对手强攻。皇马肯定以3分为目标,作客让一球唔算辣,照捧上盘。